【經紀唔易做!】今日《經濟日報》文章 by 利嘉閣行政總裁廖偉強 。超級贊成! 「唔做中、唔做保、唔做媒人三代好」。地產經紀唔易做 ! 我以前做過生意買賣經紀，成交過千單生意轉讓，但真係好難好難好難好難做， 孭太鑊上身。 餐搵餐食餐餐清。 介紹「錯」生意，買家「中招」，唔單止要賠佣金，成盤生意金額分分鐘都要賠凸。It was a very "bad" business. 我認識的所謂競爭對手，無一個做得大。 以前仲記得，最驚係街上面人哋同我打招呼。因為我怕佢是經我公司買入咗盤生意，做得唔好，搵我算帳。 以前在公開場合有大型講座的話，我都唔敢預告我將會出席，怕有「仇家」(不滿意的買家)來當眾搵我。 唔需要多，每做100檔生意，貨不對版，中招一個，我就已經有十多個「仇家」。 「創業受創」，啲人有時真係可以好兇狠😪 因此做咗12年，我決定唔做! 隻馬係跛馬。我想「換馬」! 經紀唔易做，要24小時 Standby， 行慢半拍就畀人搶咗單生意，大家對佢哋好啲啦!